Synne Ripe

27, Førde

Head Coach og dagleg leiar Crossfit Førde. Utdanning: Bachelorgrad i idrett med spesialisering i personleg trening, ernæring og coaching. Sertifisert Styrkecoach i regi av Atletisk utvikling, godkjent Rehab trainer/AFPT og Crossfit Level 2 Instruktør. Beauty and performance <3

Ingen tid til trening?

I spørsmål om kvifor nokon vel å ikkje trene, så er svaret at ein ikkje har tid eit veldig kjend fenomen. Eg veit veldig godt at ting kan bli ekstremt hektisk både med så mange som pendler, har ein høg arbeidsbelastning eller er aleinemor/far. Sjølv har eg "berre" meg sjølv å forholde meg til, og det er eit bevisst valg eg har tatt foreløpig. Det betyr likavel ikkje at ein ved å velge det eine, må velge vekk det andre. Absolutt alle har godt av å legge inn faste treningsrutiner i kvardagen uavhengig av familie og/eller jobb situasjon. Idag skal eg difor prøve å komme med forslag til løysinger ved ulike dilemmaer.

#1. Ein har eit fysisk krevjande arbeid
Dersom jobben du har er svært fysisk, så kan eg også nesten garantere deg at den består av ein stor dose med einsformig belastning. Det kan fort føre til plager som følgje av muskelubalanser, og problemer med rygg, kne eller skulder er gjenganger. Her vil det til tross for stor mengde med aktivitet vere lønnsomt å få inn styrketrening for å jamne ut styrkeforholdet. Det å fokusere på heilkropp med litt ekstra fokus på kjernemuskulatur vil absolutt lønne seg. Mest sannsynleg vil heller ikkje lungene dine jobbe på spreng, så det å legge inn litt kondisjonstrening vil heller ikkje vere noko du tar skade av :) Husk at alt hjelper på, om det så er 1 eller 2 dager i veka.

#2. Du er aleine mor/far.
Det å ha unger er svært krevjande, og spesielt om ein er aleine. Det vil også vere veldig ulikt korleis arbeidssituasjon, hjelp til barnepass og liknande vil vere. Eg vil difor komme med fleire forslag til løysinger.
- Ta med ungen på feks mor og barn time dersom det er noko du har tilgang på der du trener
- Tren styrketrening i heimen, der du bruker feks ungen som vekt. Her får du trening og sosialisering i eitt! 
- Kombiner joggeturer med trilleturer, og bruk vogna for det den er verdt
- Ta deg ein fjelltur med ungen i sele/bæremeis
- Sjekk ut moglegheiten for barnepass der du trener, stort sett er det eit tilbud både på dag- og kveldstid
- Kanskje den andre forelder, ei bestemor eller ein venn kan stille som barnepass ei fast tid i veka? 
- Dersom ungen er veldig liten, kan du ha med han/ho i bilsete på trening, så lenge senteret tillater det

#3. Ein sliter med tidsklemma pga pendling
Det er veldig mange som pendler til jobb, og eg er sjølv ein del av desse. Det kan fort bli lange dager på jobb, og i kombinasjon med 25minutter kvar reiseveg, så blir det fort seint før ein er heime. Då er nok ikkje det å i tillegg skulle legge inn ei treningsøkt det mest fristande. Om du er i den situasjonen så vil eg absolutt anbefale deg å legge inn ei økt eller to i veka, nettopp for å bruke trening til å danne deg overskot i kvardagen. Her kan det vere lurt å legge treninga tidleg på morningen for å slippe unna morgenrushet, og føle deg fresh resten av dagen. Då slipper du også å sitte å psyke deg opp på ettermiddagen, når det som ofte frister mest er å legge seg på sofaen heime. Pakk treningsbagen kvelden før, sett på vekkerklokke og sørg for at du har nistepakken klar! Eg lover deg ein betre start på dagen!
Om ikkje alternativet over passer, kva med å gjere unna litt jobb medan du reiser? Dersom du køyrer bil kan det vere å ta nokon telefonsamtaler, medan om du tar buss eller tog har langt større moglegheiter både med å skrive, svare på mail osv. På den måten kan du kanskje opparbeide deg flex til å trene i feks lunchen? Eller gå ein time tidlegare fra jobb og på den måten rekke ei effektiv treningsøkt?

#4. Mangel på overskot
Dersom du absolutt ikkje føler nokon form for overskot til å klare å trene, då ville eg ha evaluert kvardagen din både mtp søvn, kosthold og stress. Evaluer, juster og sett av tid! Allereie etter ei veke med endringer vil det gi merkbare resultater i energinivå, og søvnen vil bli enda betre. Dersom du er plaga med svært mykje stress i kvardagen, så kan også treningsformer som Yoga vere perfekt for deg. Alt du treng å gjere er å bestemme deg for å prøve!

Har du ein utfordring som eg ikkje har nevnt over? Eller har du funne deg nokon smarte løysinger som har fungert for deg? Del gjerne! :) 

 

Ta vare på kroppen din!

Eg føler meg veldig heldig som både jobber og trenar på eit senter der det sitter så enormt med kompetanse. 
Det er noko eg setter pris på når det kjem til det tverrfaglege samarbeidet i jobben min, når eg har kunder som kan ha trøbbel med smerter eller skader, og når det kjem til mi eiga trening. Trening er ekstremt bredt, og kroppen vår er ekstremt avansert. Det er umogleg for oss å vere best i alt, nemleg både i kva trening som passer for kvar enkelt, korleis forebygge, korleis rehabilitere og korleis diagnotisere riktig. Det er difor det er så viktig å utnytte kvar enkelt sin kompetanse.

Eg trener veldig mykje. Både når det gjeld hyppighet, volum og intensitet. Eg prøver heile tida å ligge i grenseland for kor mykje kroppen kan tåle utan at eg pådrar meg skader. Då er det veldig fint å ha fagpersoner på bygget som både kan hjelpe når det kjem til ei auke i restitusjon (som feks massasje), samt tips og råd om eg kjenner at noko ikkje er som det skal.  Eg synest eg kjenner kroppen min over snittet godt, og stort sett klarer eg å fikse det meste sjølv. Eg har likavel godt av å bli enda flinkare til å ta turen opp trappa til tredje etasje om eg merker uvanlege murringer i kroppen pga høg treningsbelastning.

Etter 1-2 veker med smerter i høgre skulder tok eg til vett og bestilte både massasje hos Sunnfjord Spa med fysioterapeut Nora, samt ein sjekk hos Akupunktør Harald Grytten. Massasjen gjorde allereie underverker, og Nora kom med mange gode tips medan ho jobba med problemområda mine. Hos Harald fekk eg ein fullstendig sjekk av skulder, samt mykje god informasjon. Eg hadde rett i at både skulder og trapezius hadde behov for litt ekstra omtanke, men med unntak av litt "heimeoppgåver" kunne eg fortsette som før :) 

Poenget mitt med innlegget er at kroppen toler veldig mykje, men om du merker at noko ikkje er som det skal så er det betre å ta ein sjekk for mykje enn ein for lite. I tillegg er det lett å undervurdere kor viktig det er å gi kroppen den kvilen den treng og ei gradvis auke i treningsbelastning. Det er også mange gode ting du kan gjere for restitusjon og prestasjon både når det kjem til søvnkvalitet, kosthald, anti-stress, massasje, tøyning og anna. Det er heller ingen nytte å spørre fagfolk om råd, om du berre gjer det motsatte av det du får beskjed om! :) 

Ha ein fin søndag - her i huset er det kvile som står på planen! :)

Fredag Challenge!

Fredager er definitivt den beste dagen i veka, med både tunge treningsøkter, godt selskap og taco til kvelds :) Det einaste som mangler for å gjere dagen heilt komplett, måtte vore å ha "late start" på jobb, og moglegheit til å sove litt ekstra lenge.
Kjenner eg meg sjølv rett så hadde eg vel hoppa utav senga i vanleg tid likavel! Fleire som har det sånn? 

Eg har dei siste helgene brukt å dele fredagsøktene som vi har på CrossFit Førde, men akkurat idag har eg ein annan utfordring til deg. Økta er meininga å gjere aleine, men er fint mogleg å ta saman med ein venn om du heller vil det! Alt du treng av utstyr er ei romaskin :)


Foto: Dieter

Økta skal gjerast "for time", altså så raskt du klarer. Den er i pyramide form, med totalt to øvelser; roing for kalorier og burpees! 

50 - 40 - 30 - 20 - 10
Kalorier roing
Burpees

Så enkel, men også så definitivt ein sveittefest! Her veksler du heile vegen mellom å ro og ta burpees. Det vil sei at du først ror 50 kalorier, så tar du 50 burpees. Neste runde er det 40 kalorier og 40 burpees. Sånn holder du på heilt til du har fullført dei siste ti. Tipset mitt her må vere at du ikkje pumper deg heilt ut allereie på første runde med roing, men prøver å ligge så høgt du klarer utan å sprekke. Dei siste 2 setta er det berre å trøkke på gassen!
Eg har ikkje testa den ut sjølv, men det har eg store planer om å gjere. :) 

Ps. Kva synest du om den nye headeren min? Eg hadde ein liten test fotografering med Dieter igår, og eg rett og slett elsker resultatet!
God helg!

Wod Endurance - 3000m test

  • 26.10.2017 klokka 13:25 i Løping

Torsdag betyr løping, og idag hadde eg lagt inn 3000 meter test på programmet!
Eg er veldig opptatt av å utføre tester med jamne mellomrom for å sikre at vi går i riktig retning med treninga, og då synest eg at spesielt 3000m løp er ein veldig god test. Her er det mange faktorer som spiller inn på resultatet, noko som gjer at ein med god og spesifikk trening kan oppnå god framgang :) Både aerob og anaerob kapasitet, arbeidsøkonomi, pacing (tempo styring) og psyke har mykje å sei på tida du til slutt ender opp med.

Mi beste tid på 3000m hadde eg under tida mi som Idrettsoffiser i Hæren. Då hadde eg mykje løping som ein del av treninga, og eg har på mitt beste fullført på under 12:00 minutter. Der er eg langt unna no, sjølv om den fysiske forma mi er betre. 

Veit du kva du springer 3000m på? Visst ikkje så utfordrer eg deg til å prøve :) 

Det beste med testing er å ta første test så tidleg som mogleg. Ikkje vent til du har fått "trent deg opp", for då går du glipp av å sjå all magien som skjer i mellomtida. Ta ein pre-test så tidleg så mogleg, legg inn god trening og ta deretter ein re-test. Det er få ting som gir så mykje motivasjon som det å sjå at kroppen responderer!

Treng du nokon tips til sjølve løpsdagen?
- Spis i god tid før testen, minst 2t før. Få i deg jamnt med drikke heile vegen.
- Sjekk i forkant at både kle og sko er komfortable, og sitter godt, så slipper du å tenke på det under testen.
- Last ned ei god speleliste som du kan la rulle og gå medan du springer, og vel gjerne sanger med litt trøkk i. Tida går fortare, du har lettare for å ha eit høgre tempo, samtidig som du får ein ekstra dose med motivasjon.
- Sørg for å varme godt opp. Kombiner gjerne litt gange og roleg jogg i lag med eit par dynamiske øvelser for hofte, sete og lår (spesielt bakside). Utfør også eit par tempo drag eller eit løp på 500-1000m før du starter. Både for å vekke kroppen, men også la pulsen stabilisere seg. Ro deretter litt ned før du starter sjølve testen.
- Utifrå oppvarminga har du allereie gjort deg nokon tanker om tempo. Pass på at du ikkje starter for hardt, men vær også flink å gradvis auke tempoet om du ser at ting går veldig bra. Eg pleier å følgje med på pulsen, om den stabiliserer seg under terskelpuls eller fortsetter å auke. Det kan vere fint å evaluere etter 1km, når du er halvveis, etter 2km og siste 500m. Eg legger også alltid inn ein spurt minst dei siste 100-200m. Idag endte eg med 198 i puls når eg hoppa av, då var eg godt sliten!

Eg håper du sjølv får lyst til å prøve, og OM du gjer det så blir eg veldig glad om du deler det med meg, enten i kommentarfeltet på bloggen eller på instagram! :) 

Ha ein fortsatt fin søndag  - TORSDAG sjølvsagt ;) 

Alternativ til laurdagsgodt

Først og fremst, tusen takk for alle dei positive tilbakemeldingane eg har fått både på blogginnlegget og saka på firda.no! :) Eg er skikkeleg glad for at så mange har tolka det positivt og seier seg einig i at det må skje ei endring i norske butikker. Det er vanskeleg å skrive om eit sånt tema utan å motta kritikk, og eg hadde ein litt ekstra ekkel følelse i magen i heile går i frykt for korleis innlegget kom til å bli mottatt. Heldigvis har det gått veldig bra, og eg har foreløpig primært fått gode tilbakemeldinger. Tusen takk, dåkke er heilt fantastiske!

Sjølv om eg er i mot priskutt på godteri, så er det ikkje sånn at eg er totalt avholds. Det er heller ikkje sånn at eg sender dømmande blikk så fort eg ser nokon opne godteposen, eller drikke eit glass med brus. Eg er veldig for at ein skal få kose seg, enten det gjeld å nyte eit glass vin til maten, spise sjokoladen ein er så glad i eller det er å kjøpe seg ein hamburger. Det handler om å gjere det som med alt anna, med måte. Det treng ikkje vere kvar einaste dag eller ved kvar einaste sosiale samling ein skal ha. Då blir det så utruleg vanskeleg å motstå fristelser, om ein heile tida skal vere utsatt for det både når ein handler, er på jobb eller på besøk. Viljestyrken når si grense den også. 

Det som er greit å vite er at det er veldig mange gode alternativer til det mest sukkerholdige godteriet, og om du skulle vere interessert i å prøve dei så får du her fem av mine favoritter :) Nokon gonger er det kun den "skikkelege" lyse melkesjokolade som kan gjere meg tilfredsstilt, medan eg andre gonger fint får dekka behova mine med noko langt sunnare!

Mine favoritter er:

#1. QuestBar
QuestBar er ein proteinbar med berre 1g sukker, noko som tilsvarer ein halv sukkerbit. I dei fleste proteinbarer finner du 5-15 sukkerbiter, medan du i ein snickers sjokolade har du så mange som 18 (!!) sukkerbiter. 

#2. PandyCandy
Pandy er proteinrik vingummi med BCAA som er heilt fritt for sukker. Du finner det i mange ulike smaker, og min favoritt er "sour plates".

#3. Barebells Proteinpudding
Det er komt veldig mange gode proteinbuddinger på markedet, og om du er fan av sjokoladepudding som meg, så lover eg deg at du ikkje merker forskjell om du har litt vaniljesaus over Barebells sitt alternativ. Nam!

#4. Jordbær med philadelphia krem og sjokolade strøssel.
Friskare blir det ikkje! Kutt opp jordbær og smør på philadelphia kremost som du har blanda med litt sukrin. For ekstra pynt og smak kan du strø litt mørk kokesjokolade over :) 

#5. Smoothie
Eg elsker smoothie! Min favoritt får du ved å blande frosne bær (banan, blåbær, bringebær og jordbær), 1 scoop proteinpulver med sjokoladesmak, 1 hand med spinat, 1 ss peanøttsmør og valgfri mengde med melk. 

 

Sukkeravhengig - kva no?

Sukker er avhengigheitsskapande det veit vi, og for dei aller verste kan det samanliknast med ein som er avhengig av alkohol eller heroin. Det vil sei at om kroppen ikkje får den daglege dosen sin med sukker, vil personen kunne få liknande abstinensar som ein som er misbruker av narkotiske stoffer. Trøsten er at det vil vere enklare å venne seg av med sukker, enn av alkohol og narkotiske stoffer.


Foto: Dieter Schneider

Det er ikkje alle som er like utsatt, og for 70% av befolkningen dreier det seg om søtsug, ikkje sukkeravhengighet. Dei 30% som har lett for å utvikle sukkeravhengighet er meir følsomme for sukker, og vil alltid føle eit behov for å få det i seg. Her er det primært endring av adferd og ikkje kosthald som blir ein avgjerande faktor for å komme seg ut av sukker fella. 

Ettersom det å komme seg ut av sukker bobla likavel kan vere svært vanskeleg for mange, tenkte eg nokon tips kunne vere nyttige på vegen. Eg har brukt fleire når mitt eige søtsug har meldt seg, og det har ført til at eg per dags dato ikkje føler behov for sukker meir enn ein sjeldan gong i mnd. 

#1. Sørg for at du ikkje har søtsaker liggande i huset. Det å ha ting liggande, vil føre til at du før eller seinare går tom for viljestyrke og tyr til godteriet. 

#2. Om du har laurdagsgodt eller likande, sørg for at du ikkje handler meir enn det du veit blir spist opp, nettopp for å unngå punktet over.

#3. Få i deg nok og riktig mat i løpet av dagen, då det vil påverke søtsug. Holder du blodsukkeret stabilt, vil ikkje hjernen skrike etter rask energi (og sukker) fordi den ikkje treng det.

#4. Av samme grunn som at du skal få i deg nok mat gjennom dagen, er det også viktig at du ikkje går på butikken sulten. Butikkane bruker psyken mot oss ved å plassere akkurat det som er verst for oss, lettast mogleg tilgjengeleg. Det er vanskeleg å overvinne impulser når både hode og kropp skriker etter næring.

#5. Om søtsuget melder seg, gjer noko for å halde hjernen opptatt. Det kan vere å gå ein tur, teikne med barna, spille eit spill, reis på besøk til ein venn eller anna. Søtsuget vil gi seg etter nokon minutter, og du slipper å sitte å veie for og i mot til du til slutt gir etter.

#6. Dersom du er på jobb, reise eller andre plasser der du ikkje har lett tilgang til måltid kan det vere lurt å ha noko å ty til om søtsuget melder seg. Det kan vere ein pose med nøtter, frukt eller noko anna som er enkelt å ha med seg. 

#7. Start dagen med ein liten tur og ein sunn frukost. Det vil for mange legge lista for resten av dagen, og føre til at ein har lettare for å ta gode valg. 

Har du dine egne tips som du bruker når sukkersuget melder seg?

Priskrig på smågodt - veit vi ikkje betre?

Det nærmer seg feiring av Halloween, noko vi merker på salg av kostymer og pynt i butikkane, men no også med ein diger priskutt på smågodt. Det at vi bur i eit land der overvekt, fedme og livsstilssjukdommar er eit så aukande problem, synest eg er grunn nok til å endre fokus. Istadenfor å kutte prisane på smågodt, burde ein heller få opp auga for sunne og minst like gode alternativ ein kan kose seg med. Alt av sosiale lag ikkje vere i kombinasjon med produkter som kan føre til avhengighet og ein tidlegare død!

Tilgjengeligheten på brus og godteri er allereie for stor til at folk flest klarer å stå i mot, og ein så enorm priskutt fører som forventa til hysteri. Folk blir heilt galne! Eg har ikkje sjølv vore innom butikkane for å nytte meg av tilbudet, men kunne høyre at det allereie på laurdag var tomme hyller på blant anna Coop, og det til tross for maksgrense per kunde.

Eg synest det rett og slett er tragisk. Eg synest det er tragisk ifrå butikkane si side som eg absolutt meiner har eit stort ansvar, men eg synest også det er tragisk at folk blir så desperate så fort det er snakk om smågodt og tilbud. Vi alle veit at godteriet som har blitt kjøpt dei siste dagane på matvarebutikker rundt om i landet kjem til å nytast i god tid før Halloween. 

Alle veit at godteri ikkje er sunt. Det kanskje ikkje alle veit er kor stor påverknad det har for folkehelsa:

- I tredje klasse lider kvart sjette barn av overvekt eller fedme
- Andelen med overvekt er aukande på ungdoms- og vidaregåande skule 
- 20-25% av 17åringane som kjem på sesjon til Forsvaret er overvektige 
- Høg kroppsvekt er blant dei viktigaste risikofaktorane for død
- Overvekt og fedme bidrog til 2 400 dødsfall i Norge i 2015
- Overvektige nordmenn i 50-åra har høgre sjukefravær enn jamnaldrande 
- Kvart år utføres omtrent 3000 slankeoperasjoner i Norge, 1 av 4 går opp igjen i vekt

Les meir her: 1508749313_butikk_og_etikk_p_billigsalg.html 

Eg ynskjer ikkje å gi inntrykk om at ein må vere fanatisk, men at det handler om å vere bevisst. Vi er altfor glade i å ha det komfortabelt og vi ynskjer å få det vi vil ha med eingong vi har lyst på noko. Det er ikkje sånn at dei to på bildet over er fødd med den kroppen dei no har, her handler det om valg og vaner over tid. Vi er altfor raske med å komme med unnskyldninger og skulde på andre faktorer enn oss sjølv når det kjem til helsa vår, og det er det vi må slutte med. Vi må ta meir ansvar, og det samme må matvareforretningane gjere!

Kva meiner du?

 

Konkrete og ærlige tips for treningsreisa!

Helga nærmer seg slutten, og det er igjen tid for å legge ein plan for veka som kjem. Kanskje er du ein av dei som har komt inn i gode treningsrutiner etter sommerferien, eller er du den som kvar einaste søndag har sagt at på mandag, DÅ skal du begynne? Uansett kva for ein "bås" du sitter i, så skal nok hvertfall eit av råda under kunne komme til nytte når det gjeld di trening og dine resultater :)  


1. Ikkje spør deg sjølv om du skal ta deg ei treningsøkt, berre gjer det! Hjernen er ekspert på å finne unnskyldninger når det kjem til "ukomfortable" ting, og det er vel ingen som har angra på ei treningsøkt i ettertid? Mine tips for å komme i gong om mandagen er å planlegge treningsveka søndag kveld, eller ha ein PT som gjer det for deg.

2. Unngå å spørre alle om råd, det fører berre til informasjons overload og deretter til handlingslammelse.

3. Teori er vel og bra, men det er berre praksis som gir resultater!

4. Uansett kor mykje du ynskjer deg raske resultater over natta, så vil det aldri skje. Det er hvertfall ingen gode eller varige resultater som kjem på den måten. Nøkkelordet er tolmodighet og kontinuitet!

5. Ikkje fokuser på forbedringer i formen fra dag til dag, men ta mål/bilder og følg med fra år til år. Framgangen vil sjokkere deg om du er flink med nøkkelorda over!


6. Sjå på muskelvekst som å spare penger. Den beste måten er å spare litt etter litt, og ikkje gå rundt å håpe på å vinne ein mega pott.

7. Sørg for at kostholdet er bra, og gi kroppen din det den trenger og ikkje det hjernen din vil ha der og da. Når eg er i tvil spør eg alltid meg sjølv om det her er mat som vil gjere meg og kroppen min bra, og gi meg resultater eg er ute etter eller om det berre vil gi meg eit set back!

8. Husk at det vil komme mange dager der du mangler motivasjon. Det er disiplin som sørger for at jobben blir gjort fra dag til dag.

9. Sjå på den harde jobbinga som belønning. Husk at det er reisa som må vere målet, ellers vil du etterkvart miste all glede ved det du holder på med. 

10. Ikkje leit etter snarveier, dei leder ikkje til gode og varige resultater.  

Synest du det er vanskeleg på eigenhand? Ta gjerne kontakt med meg om eg kan hjelpe deg: synne_ripe@hotmail.com

Team Friday!

Inatt har eg sove skikkeleg godt, og det er nok takket vere den tunge treningsøkta som vi hadde igår kveld etterfulgt av ein solid porsjon med taco før eg hoppa i seng :) Gårsdagens Team økt var nemleg ikkje noko dårlegare enn forrige, sjølv om eg faktisk trudde at det skulle vere meir rom for pauser. Det er sjølvsagt heilt avgjerande at du då enten har ein makker på samme nivå som deg, eller at ein tilpasser økta riktig for at begge skal oppnå riktig stimuli. Det vart hvertfall ikkje noko problem med min makker, då eg lett bikka terskelpuls og vel så det når vi holdt på :) 

Om du skulle ha lyst til å ta økta så utførte vi igår følgjande:

30 minutter AMRAP med
15 Burpees
10 Box jumps
5 Power Cleans @84/61kg

Team på 2, der ein jobber og ein kviler. Du kan ellers løyse det som du vil, men vi gjorde at person A tok burpees, person B tok box jumps, person A power cleans også motsatt i neste runde :)

Vi rakk akkurat ikkje 20 runder (19 runder og 27 reps), men eg var kjempe fornøgd! Nok ein gong - anbefales! 

Wod Endurance

Til tross for at eg hadde planlagt ei tidleg heimreise idag så var det først kl15:00 at eg låste opp døra heime :) Timane idag har rett og slett reist ifrå meg, då eg har farta rundt og gjort diverse ærend. Eg er ikkje særleg glad i å gå å trakke i sentrum, så då er det godt å kunne få gjort unna dei tinga eg må gjere på dagtid når folk flest er på jobb. Det vart difor å slå alle fluger i ein smekk når eg då først tok turen :) 

Nye sko vart det på meg også, då Sport 1 Førde hadde "damenes dag" og heile 30% avslag på Nike avdelinga!


Matcher Spenst fargen gjer dei og - ekstra bonus :)

Ellers så starta torsdagen like bra som den alltid gjer, med Wod Endurance og RomWod i fint selskap! Det er verkeleg ein fordel å starte dagen med ei intervalløkt, før kroppen begynner å protestere og bruke opp viljestyrken. Dagens økt var like god som den pleier å vere, og intervallane vi tok får du her:

Kvart 10. ande minutt i totalt 30 minutter (3 sett):
1500m løp

Om du bruker 8 minutt eller meir på distansen, anbefaler eg deg å skalere ned til 1200 eller 1000m for å sikre nok pause til å hente deg inn igjen. Målet er å ligge mest mogleg stabilt på alle tre intervallane, men det er lov å auke undervegs om du ikkje treffer på første forsøk :) 

På dagen speleliste gjekk det i:

Post Malone - RockStart

The Offspring - The kids aren't right

ill Factor - Champion sound

The Drift - Blackmill

Dimitri Vegas - Chattahoochee

 

2016 © Synne Næss Ripe

Design og utvikling: MundalDesign & Helene S. Book

hits