Chasing fat loss!

Den mest vanlege grunnen til at personer starter med trening er som regel pga eit ynskje om å gå ned i vekt. Det er også her at folk flest misforstår kva det er som vil gi dei beste og raskaste resultata. Det har skjedd i mange tiår, og til tross for ei auke i interesse for styrketrening så er det fortsatt ein gjenganger. Det eg snakker om er at mange vel å styre unna alt som innebærer styrketrening, og heller vel å utføre kondisjonstrening kombinert med hundrevis mageøvelser. Det kan hende du er heldig og går ned nokon kilo i starten, men eg tørr å vedde på at du enten 1) har gått opp igjen like mykje eller meir, 2) har langt ifrå oppnådd målet ditt om ein strammare kropp.


 

Timen du bruker på treningssenteret tilsvarer ein svært liten del av din totale dag, og ditt totale kaloriforbruk. Så med mindre du er ein profesjonell utøvar som trener fleire timer om dagen, kjem det meste av energiforbruket ditt ifrå din basale forbrenning (BMR), altså det kroppen din forbrenner dagleg for å oppretthalde normale funksjoner. Ein av dei mest effektive metodane for å auke den, er ved å auke andelen muskelmasse i kroppen din.

Det er noko du oppnår ved å trene styrke. Dess meir funksjonelle øvingar, dess betre. Her snakker eg om markløft, knebøy, press varianter, kroppshev osv. Det er nemleg sånn at for kvar 500g med muskelmasse som du bygger, så vil du forbrenne omkring 50kcal ekstra per dag. Det høyres kanskje ikkje så mykje ut, men om du bytter ut 3kg feitt med 3kg muskelmasse så vil du brenne rundt 300 kalorier ekstra om dagen utan å eingong ha vore på trening. I tillegg vil styrketreningsøkter med høgre intensitet resultere i ei etterforbrenning i opptil 38timer etter at treningsøkta er over. 

Det å kun utføre kondisjonstrening vil ikkje berre senke din daglege BMR etterkvart som tida går, men det vil også føre til at du må auke andelen cardio for å fortsette å få resultata du per dags dato oppnår. Utan styrketrening vil du mest sannsynleg miste muskelmasse, som i dine auger vil stå for seier pga vektnedgang, men som i realiteten vil føre til ein lågare forbrenning, og eit større behov for ekstra kondisjonstrening.

Mitt beste tips er å legge hovedvekt på styrketrening, kombinert med litt kondisjonstrening. Det vil sei at om du trener 3 dager per veke, vil eg anbefale at 2 av desse er styrke, og 1 er intervaller. Dei resterande dagane vil eg oppfordre deg til å gå turer, eller holde deg i aktivitet på andre måter 🙂 Det går mot varme tider, kanskje det er perfekt tid til å oppfordre til litt uteaktivitet med fleire?

Om du har behov for litt ekstra hjelp så kan du feks bruke det her styrkeprogrammet:

Markløft 3 x 12 reps
Knebøy 3 x 12 reps
Gåande utfall 3 x 20 steg
Kroppshev / Nedtrekk 3 x 12 reps
Roing med hantler 3 x 12 reps
Push ups 3 x maks reps
Skulderpress med hantler 3 x 12 reps
Facepull i kabel 3 x 15 reps
Vandrande planke 3 x 20 reps

– Treng du hjelp for å komme i gong? Ta gjerne kontakt på mail: [email protected] Det er 2 ledige plasser til PT gruppa med fokus på styrketrening! 🙂 

2 kommentarer

Siste innlegg